பொம்மராயன்(ஜார்ஜ் அந்தோணி சாமி)

______________________________________
பொம்மராயன்
(ஜார்ஜ் அந்தோணி சாமி)
_______________________________________
         ஜார்ஜ் அவர்களின் பயணங்கள் காட்டை நோக்கியும், உயிர்களை நோக்கியுமே இருக்கிறது. இப்பயணத்தில் நம்மை நாம் பயணியாக்கிக் கொள்ளலாம்.
         விதவிதமான யானைகளும், அவற்றின் வாழ்க்கையும், வலிகளும், ஆச்சரியங்களாய் விரியும் இச்சிறு புத்தகம்.. பேரனுபவத்தைத் தருகிறது.
         யானைகளுக்கும், மனிதனுக்குமான உறவை, உண்மையைப் பேசுகிறது..
"பொம்மராயன் " என்பது பழங்குடிகளின் குலசாமிகளில் ஒன்று. யானையை அவர்கள் அந்தப் பெயரிட்டு அழைக்கின்றனர்.
எல்லோருக்கும் யானை குலசாமி தான்..
        அற்புதமான கதைச்சொல்லி போல் ஆசிரியர் சொல்லிச் செல்வது வாசிப்பவரை இயற்கையை அறியச் செய்யும் .. இயற்கையை அறிவது நம்மை நாமே அறிதல் ஆகுமல்லவா..
                    (விலை : ரூ 150)
                    (வம்சி புக்ஸ்) 



நட்புடன்..
சு.வளர்நிலா..

Comments

Post a Comment

Popular posts from this blog

யுகபாரதி கவிதைகள் - யுகபாரதி

_______________________________ யுகபாரதி கவிதைகள் (யுகபாரதி) ______________________________         மணப்பத்தாயம், பஞ்சாரம், அந்நியர்கள் உள்ளே வரலாம், தெப்பக்கட்டை, தெரு வாசகம் உள்ளிட்ட 7 கவிதைகளின் தொகுப்பு இந்நூல்.        சமூகத்தின் இழிகுணங்களைப் பழிக்கும் இவர் கவிதைகள், வாழ்க்கையின் பற்சக்கரங்களில் சிதைவுற்றுப் போகும் மனிதர்களின் அவலங்களைப் பரிவோடு பேசுகின்றன.         எளிமை.. அழகான மொழிநடை.. மனிதர்களின் மீதான கரிசனம் ... இவையெல்லாம் இக்கவிதைத் தொகுப்பின் சிறப்புகள்.        யுகபாரதியின் தேர்ந்தெடுத்தக் கவிதைகன் தொகுப்பு இப்புத்தகம்.                (விலை : ரூ 500)                (டிஸ்கவரி புக் பேலஸ்)
Read more

கறுப்பு மலர்கள் - நா.காமராசன்

_________________________________ கறுப்பு மலர்கள் (நா.காமராசன்) __________________________________         உலகத்தின் பல பாகங்களிலிருக்கும் கவிதை நாகரீகத்தின் எதிரொலிகளை நூல் முழுக்கக் காணலாம்.        கவிதைக்கான கரு புதியது.. புதுமையானது..முதலில் மயக்கும்..பின் மயங்க வைக்கும்.        உருவகஅணியை உத்தியாக வைத்துக் கொண்டு உரைநடைக் கவிதை வடித்த உயரிய கவிஞர். புல் ...... ____________ வால் முளைத்த புல்லே! வசந்தத்தின் பச்சை முத்திரையே! உடல் மெலிந்த தாவரமே! உன்னை பனித்துளிகளின் படுக்கையறை என்பேன்!! கடல்.... _______________ முத்துகளின் பள்ளம்... கப்பல்களின் சமவெளி... நதிகளின் கல்லறை...       படிமக் கவிதை வடித்த உருவகக்கவிஞரின் கவிதைகளை வாசியுங்கள்...📚                 (விலை : ரூ 80)                 (கவிதா பதிப்பகம்)
Read more

தமிழ்ப் பழமொழிகள் - கி.வா.ஜகநாதன்

_____________________________ தமிழ்ப் பழமொழிகள் (கி.வா.ஜகநாதன்) ______________________________        நாடோடி இலக்கிய வகையைச் சார்ந்தவை பழமொழிகள்.சிறுவர் முதல் முதியவர்கள் வரை யாவரும் தாம் பேசும் போது பழமொழிகளைப் பயன்படுத்துவர்.அவரவர் அனுபவத்திற்கேற்ப அவை இருக்கும்.        இந்நூலில் ஏறத்தாழ 25000 பழமொழிகள் உள்ளன.கி.வா.ஜ அவர்கள் சொற்பொழிவிற்காக வெளியூர் சென்ற காலங்களில் அங்கே உள்ள ஆடவரிடமும், பெண்மணிகளிடமும் கேட்டு சேகரித்ததாகக் கூறுகிறார்.         தமிழ் மக்களுடைய எண்ணம் எவ்வாறு படர்ந்தது என்பதை இப்பழமொழிகள் காட்டுகின்றன.        பல பல துறைகளில் அமைந்த இந்தப் பழமொழிகள் அறிவைத் தூண்டுபவையாக அமைந்துள்ளன.              (விலை : ரூ 100)              (ஜெனரல் பப்ளிஷர்ஸ்)
Read more